Weblog
Saturday, 06 December 2008
-
尋晚因為一Ｄ事而訓唔著，搞到今日做野果陣都有少少辛苦！！不過好采我係酒吧到做野，而且忙到冇時間諗野，對我都係一個好處，時間亦都過得好快，Simon又放早我一個鐘，真係開心到不得了，不過我以家我係到擔心緊，我有冇開錯左個酒吧位，聽日返去一定問下先，事關再有下次，我就唔會好似今日感迷茫啦！！
我真係冇諗過又會發生一年前o既事，係唔係我永遠到左莉個時間，Ｄ甜酸苦辣o既事都會一次過發生嫁呢？？真係唔想再感啦～～
原來有Ｄ事唔知道會比較好一Ｄ嫁～～最少我唔會好似以家感都唔知再用咩o既態度面對佢啦～～不過我知道好快就會由我自己畫上一個句號，但係會幾時就連我自己都未能肯定，可能有件事我總需要自己去問啦！！
Monday, 01 December 2008
-
今日我完全係一個勁輕鬆o既情況下返工，不過對我黎講有好有壞，好就係唔駛做太多野，壞就係冇人陪我，得我自己一個係酒吧做野，好寂寞呀～～聽日我返十二點，都唔知點算好，忙完個lunch之後，我就冇野做嫁啦～～所以我決定聽日一定要係感搵野做，事關我唔想白囉人工！！
一月有喜事呀！！就係我哥哥結婚啦～～真係冇諗過感快！！但係我哥哥都唔細，係時候成家立室嫁啦！！祝佢地永遠幸福快樂！！
莉幾日見到你都好想同你講野，但係偏偏冇莉個勇氣呀！！尋夜發左一個好甜o既夢，真係好想會成真呀！！
＜真係希望總有一日能夠到我著起佢呀！！
Thursday, 27 November 2008
-
尋晚我又出左去飲野啦～～我真係好鐘意飲到好少少醉意o既感覺，因為起碼果陣我唔駛諗感多野！！雖然尋晚得亞發同埋亞Ｋ陪我去飲，但係亞發無啦啦叫埋隔離枱o既人玩，同唔識o既人玩有個好處就係唔駛留力～～哈哈... ...同埋可以玩得盡興一Ｄ！！三點幾我就返屋企啦！！不過飲飲下突然諗返起一個好耐冇見o既人，果個人就係... ...亞Roy啦～～唔知佢以家點呢？？自從我同佢吵完之後，我就冇再搵過佢，唔知佢讀書順唔順利呢？？希望佢能做到佢o既目標啦！！
Tuesday, 25 November 2008
-
今日都唔算好忙，過得去啦～～聽Simon講我下個月開始每星期放一日假，唔知去到幾時，不過唔緊要啦～～還掂我都冇人約嫁啦！！預期聖誕節自己孤獨一人過，感不如用工作麻醉自己咪總好！！同埋我有好多同事都有伴侶，起碼可以放多個人，唔駛佢地冇得陪住自己鐘意o既人！！但係我二十六號一定要放假，所以Toby廿五號生日，我諗果晚我點都要去陪佢過生日！！因為佢都陪我過左一個好開心o既生日！！而且以家我唔陪，唔知日後總有冇機會啦... ...
今日我真係好采，係我最低潮果陣，竟然可以見到你，雖然你成日望落黎，但我都唔知你睇唔睇到我，我只知見到你之後，工作好似變得輕鬆左！！我個人真係傻，只係小小事就覺得開心，但我以家真係只能夠感做，除左感，我都唔知我總可以點，我真係好希望個天俾我再多Ｄ見到你，你o既喜怒哀樂，我都想記住，因為莉Ｄ將會變成我一生中最大o既回憶！！
Monday, 24 November 2008
-
尋日終於頂唔順請左一日假留左係屋企到！！因為我發燒，醫生叫我好好係屋企休息唔好返工！！真係辛苦曬啦～～各位同事！！
尋日成日都留左係屋企，唔知係唔係因為個人靜左落黎，搞到成腦都係諗住佢o既野，我記得我以前病，佢都有黎睇過我，擔心我唔去睇醫生！！但係以家o既我就只可以幻想佢會打俾我關心我，原來人係碎弱o既時候真係會好想自己鐘意o既人係身邊保護自己！！究竟... ...我可唔可以真係放低佢呢？
日子就快到啦～～我真係好唔捨得，我真係唔想感做，但係冇辦法！！唔通我真係冇機會再黎多一次咩？？點解佢點都唔肯俾次機會我呀？點解我會對一個都唔知係唔係在乎我o既人感著迷？唔通我會好似鍾嘉欣果首＂其實我不快樂＂？
LoveTheOcean_Kyna
-
- Name: LoveTheOcean_Kyna
- Birthday: 9/7/1989
- Gender: Female
- Member Since: 9/5/2008
Chatboard (0)